Home / اقتصاد / پوهنځي په اړه

پوهنځي په اړه

د الفلاح پوهنتون اقتصاد پوهنځی د دغه پوهنتون له پرانيستي سره سم په ( ۲۰۱۱ ز) کال کې خپل فعاليت پيل کړ چې تر اوسه يې ډېر شمېر فارغان ټولنې ته وړاندې کړي دي.

په لومړي دور کې دوه ويشت تنه، په دويم کې څلورسوه او شل تنه او په درېيم دور کې يو سل او پنځوس تنه له ياد پوهنځي څخه فارغان شوي دي چې دا لړۍ روانه ده او اوس د دغه پوهنځي محصلان او فارغان زرګونو تنو ته رسېږي.

ياد پوهنځی شپږدېرش درسي خونې لري چې په اېل سي ډي، ډاټا بېس او نورو اړينو اسانتياوو سمبالې دي.

د اقتصاد پوهنځي ډېری استادان د لېسانس او ماسترۍ تر کچې زده کړې لري او همداراز د محصلانو د مطالعې او زده کړې لپاره مجهزه کمپيوټر خونه او کتابتون هم شته چې محصلان ترې په عملي او څېړنيزو چارو کې ګټه اخيستلی شي.

لرليد:
د يوه مخکښ پوهنتون د اقتصاد پوهنځي په توګه، د سوداګریزو زده کړو، څیړنې او مدیریتي مهارتونو چمتو کول او ټولنې ته په نړيوال معيار برابر، د غوره مديرانو وړاندې کول.

رسالت:
د اقتصاد پوهنځی د ماهرو مدیرانو د روزنې لپاره هڅه کوي چې وکولی شي خپلو اقتصادي زده کړو ته په ښه توګه د عمل جامه ورواغوندي او نړیوال سوداګريز چاپیریال ته مبتکر مشران وروپېژني. د محصلانو سوداګريز او مديريتي ځايګي د جوړېدو لپاره دوی ته تازه (اپډېټ) تيورۍ او عملي تجربې ورښوول. ټولنې او نړيوال بازار ته له غوره اخلاقو سره د زيارکښو، ښو سمبالو، روزل شويو او نوښتګرو سوداګرو کادرونو وړاندې کول، د اقتصاد پوهنځي دنده ده.

د اقتصاد پوهنځي عمومي اهداف:

۱ – د محصلانو ترمنځ مسلکيتوب ته وده ورکول.

۲ – په واقيعي معنا د لارښوونکو لرل، د الفلاح پوهنتون اقتصاد پوهنځي محصلان د ملي اقتصاد د ملا تېر حيثيت لري.

۳ – د داسې څېړونکو روزل چې په اقتصادي ټولنه کې مثبت بدلون او نوښتونه رامنځته کړي.

۴ – محصلانو ته د اقتصادي علومو او مطالعاتو بشپړه پوهه ورلېږدول.

۵ – محصلان نړيوال اقتصادي چاپېريال ته وړاندې کول.

۶ – سوداګريزې نړۍ ته داسې ګټور اړيکه نيونکي کادرونه رامنځ ته کول چې د هر ډول خنډونو پر وړاندې مبارزه وکړي.

۷ –  د ډلې داسې مشران روزل چې ښه مديريتي وړتيا او شنونکی فکر ولري.